A anunsiá Washinton Park Trail 2026
RINCON - E organisashon di Washington Park Trail Race a kompartí e promé anunsio pa e edishon di 2026. E trailrun ta planiá pa djadumingu 23 di ougùstùs 2026 den Parke Washington na Boneiru.
Riba e poster di promoshon tin STINAPA Boneiru, Fundashon Parkenan Nashonal, INDEBON i Entidat Públiko Boneiru menshoná komo organisashonnan embolbí.
Remarkabel ta ku e organisashon no a duna mas informashon. Asina falta por ehèmpel e ora di kuminsá, e distanshanan, informashon di e ruta. Tambe no ta konosí unda i ki dia e partisipantenan por registrá.
Pa awor ta solamente e fecha ta konosí i interesadonan lo mester warda informashon adishonal di e organisashon.
957
keer gelezen
