KRALENDIJK – Investigashon di Poblashon Karibe Hulandes tin djarason 26 di ougùstùs un Dia Habrí na Fundashon Mariadal. E tópiko: detekshon prematuro di kanser na pechu, boka di matris i tripa.
Di 08.00 or’ te 14.00 or’ profeshonalnan di kuido ta duna informashon di e proseso di análisis, e bentahanan pa salú i e importansia di partisipashon. Na e sitio ta posibel tambe pa traha mesora un sita pa un di e investigashonnan di poblashon.
Investigashon di Poblashon Karibe Hulandes a organisá kaba e investigashon di poblashon di kanser na boka di matris (pa hende muhé entre 30 i 60 aña) i kanser di pechu (pa hende muhé entre 50 i 75 aña). For di aprel 2025 tantu hendenan muhé komo hendenan hòmber entre 55 i 75 aña por partisipá tambe na e investigashon di poblashon di kanser na tripa.
Mas informashon i registrashon
Registrá òf mas informashon? Pasa na e Dia Habrí òf tuma kontakto via telefon +599 715 9200, WhatsApp +599 781 0476 òf e-mail screeningCN@rivm.nl.
Mas informashon: www.screening-CN.com
